उदयपुर । नेकपा एमाले जिल्ला कमिटी उदयपुरले राष्ट्रिय फुटबल टिमका सदस्य अमिशा कार्की,सबिता थापा मगर र हिरा कुमारी भुजेललाई नगद सहित सम्मान गरेको छ ।
साफ महिला च्याम्पिअनशिपमा उत्कृष्ट प्रदशन गर्दै फुटबल मार्फत जिल्लालाई देश विदेश सम्म चिनाउने सफल भएको भन्दै नेकपा एमाले जिल्ला कमिटी उदयपुरले सम्मान गरेको एमाले उदयपुरका अध्यक्ष भागवत राउतले बताउनुभयो । खेलाडिहरुको सम्मानमा पन्चे बाजा सहित विभिन्न जातजातीहरुको झाकी र नृत्य सहित गाईघाटको पिपलवोट देखि डिएम गेट होटल टाउन हल सम्म परिक्रमा गरि स्वागत गरेका थिए ।
