सक्रिय युवाहरुको पहलमा बाँसटारीमा मेला सुरु

विजयकुमार बौडेल
बोली । २२ चैत्र – उद्योग बाणिज्य संघ र व्यापार संघको विवादका बिच हरेक बर्ष हुने व्यापार मेला तानसेनमा हुन नसकेको नसकेको मेला वंशगोपाल युवा क्लबले आयोजना गरेको छ ।
तानसेन नगरपालिका वडा नं ७ को वंशगोपाल युवा क्लबले पाल्पा वंशगोपाल कृषी, पर्यटन तथा सांस्कृतिक मेला आयोजना गरेको हो । “नयाँ वर्ष नयाँ सोच, युवाहरुका लागि छ, प्रगतीको श्रोत” भन्ने नाराका साथ वाँसटारीमा वृहत मेला सुरु भएको छ ।
वंशगोपाल युवा क्लवको आयोजना र औधोगिक शान्ती नेपाल सस्थाको सहआयोजनामा भएको मेलाको उद्घाटन गर्दै पूर्व उद्योगमन्त्री तथा प्रतिनिधीसभा सांसद सोमप्रसाद पाण्डेयले मेलाको आयोजना युवाहरुको सकारात्मक सोंचको प्रतिफल भएको बताउनुभएको छ । पाण्डेयले प्रभाषका युवाहरुको उर्जावान् सोंच र क्रियाशिलता सबैले सिक्नुपर्ने बताउनुभयो । मेला सफल बनाउन सबै क्षेत्रबाट सहयोग हुनुपर्ने कुरामा पाण्डेयको जोड थियो ।
विभिन्न क्लव, संघसस्थाहरुले झाँकी, र्याली सहित वाँसटारी क्षेत्र परिक्रमा गरेका छन् । वैसाख २ गते सम्म संचालन हुने मेला मेलामा २ सय बढी स्टलहरु रहेका छन् । खुल्ला भलिवल प्रतियोगिता, नृत्य प्रतियोगिता तथा विभिन्न राष्ट्रिय तथा स्थानीय कलाकारहरुद्धारा सास्कृतीक कार्यक्रमको आयोजना हुने मूल आयोजक समितिले जनाएको छ ।
उपभोक्तालाई एउटै थलोबाट सम्पूर्ण सामानहरु उपलब्ध गराउने उद्देश्यले आयोजना गरिएको मेलामा दैनिक प्रयोगमा आउने उपभोग्य सामाग्रीहरु, खाद्यान्नहरु, लत्ताकपडा, भाँडाकुडा तथा हस्तकलाका सामाग्रीहरु, अटोमोवाईल, इलेक्ट्रिक सामाग्रीहरु, वाल उद्यान, रोटे पिङ, मारुती सर्कस, कोलम्बस, जादु, चिडियाघर तथा वालवालिकाका लागि खेल्न उपयोगी सामाग्रीहरु राखिएको आयोजकले जनाएका छन् ।
नयाँ वर्षको अवसरमा एउटै छानामुनी सवैखाले सामाग्रीहरु उपलब्ध गराउने उद्देश्यले आयोजित मेलामा ६५ वर्ष माथीका ज्येष्ठ नागरिकहरु र विद्यार्थीहरुका लागि ३० रुपैया र अन्यका लागि ५० रुपैया टिकट तोकिएको क्लबका अध्यक्ष प्रदिप खनालले जानकारी दिनुभयो ।
पाल्पा, स्याङजा, गुल्मी, रुपन्देही, अर्घाखाची लगायतका जिल्लाहरुबाट दर्षकहरु आउने तथा १ करोड ४० लाख बढीको कारोवार हुने मूल आयोजक समितिले जनाएको छ । पाल्पाको वाँसटारीमा पहिलोपल्ट आयोजना गर्न लागिएको मेलाबाट संकलित रकमले वाँसटारीमा रहेको बाघखोर फुटवल मैदान बनाउन प्रयोग गरिने तानसेन वडा नं. ७ का वडाअध्यक्ष माधव जिसीले बताउनुभयो ।