रेडियो उदयपुर, मंसिर ११ गते बुधबार । महिलाहरूलाई घरमै बसेर आयआर्जन गर्न सक्ने व्यावहारिक सीप प्रदान गर्ने उद्देश्यले “ह्यान्डमेड लेडिज् चप्पल–स्लिपर बनाउने तालिम” बिहिबारदेखि सुरू भएको छ। महिला सशक्तीकरण स्रोत केन्द्रको आयोजनामा सुरु भएको तालिममा स्थानीय १५ जना युवा महिलाहरूको सहभागिता रहेको छ। तालिममा सहभागी महिलाहरूलाई चप्पल–स्लिपर निर्माणका विभिन्न चरणहरू—डिजाइन, ढाँचा तयार गर्ने, सिकाइहरु भइरहेको प्रशिक्षक सबिता थापाले बताउनुभयो।
त्यसैगरी, महिला सशक्तीकरण स्रोत केन्द्रका कार्यकारी निर्देशक बन्दना दनुवारले यस्ता सीप विकासका कार्यक्रमहरूले महिलाहरूलाई आत्मनिर्भरता र उद्यमशीलतामार्फत आर्थिक रूपमा सशक्त बनाउन महत्वपूर्ण योगदान पु¥याउने बताउनुभयो। स्थानीय महिलाहरूलाई उद्यमशीलता विकासमा प्रोत्साहन गर्न आयोजना गरिएको उक्त तालिम बिहिबारदेखि सोमबारसम्म सञ्चालन हुनेछ। तालिम उदयपुरको राजावास नवउदयटोलस्थित महिला सशक्तीकरण स्रोत केन्द्रको सभाहलमा सञ्चालन भईरहेको छ ।
