श्री ठाकुरजी मा.वि २३ औँ रनिङ्ग शिल्ड सप्तरीको उपाधि मलिथम एफ.सी उदयपुले चुम्यो 

0
22

डिएन चौधरी, उदयपुर । श्री ठाकुरजी मा.वि २३ औँ रनिङ्ग शिल्ड फुटवल प्रतियोगिताको उपाधि मलिथम फुटवल क्लव उदयपुले चुमेको छ । विहिवार भएको फाइनल खेलमा जनडोल एफ.सी सप्तरीलाई ३–१ गोलान्तरको नतिजा दिदै मलिथमले उपाधी चुम्न सफल भएको हो ।

२३ औँ रनिङ्ग शिल्डको उपाधि जिते संगै विजेताले नगद ३५ हजार सहित शिल्ड,मेडल र प्रामण पत्र प्राप्त गरेको छ भने उप विजेताले नगद २५ हजारमा चित्त बुझाउनु परेको छ ।

श्री तपेश्वरी बाबा नव युवा क्लव जण्ठौल,सप्तरीको अयोजना रेहको खेल कार्तिक १ गते शुरु भएको थियो । तपेश्वरी हटिया जण्डौल खेल मैदानमा संचालित खेलमा सिरहा,सप्तरी र उदयपुर गरी जम्मा ८ वटा टिम सहभागी रहेका थिए ।
यस्तै मलिथम थारु सेवा समाज उदयपुरको अयोजनामा जारी प्रथम उदयपुर मलिथम फुटवल च्यामपियनशिप २०२१ फाइनल खेल कार्तिक १३ गते शनिवार हुने भएको छ ।

कार्तिक २ गते तय गरिएको फाइनल खेल प्रतिकुल मौसमको प्रभावले निरन्तर हावाहरुसंगै बर्षाका कारण तत्कालका लागी स्थगन गर्नुपरेको थियो । थारु समुदायका युवाहरुलाई लक्षित गरी आयोजना गरिएको च्यामपियनशिपको फाइनलमा जेवाइसी जोगीदह र हडिया एफ.सी क्लव विच खेल हुदै छ । यस खेलको विजेताले नगद २५ हजार सहित शिल्ड,मेडल र प्रमाण पत्र प्राप्त गर्नेछ भने उप विजेताले नगख १५ हजार प्राप्त गर्ने मलिथम थारु सेवा समाज उदयपुरका अध्यक्ष सजय चौधरीले बताए ।

समापन खेल कार्तिक १३ गते शनिवार १ः३० वजे वाट श्री जनता बेलका मा.वी वेलका नगरपालिका १ पुरन्दहाको खेल मैदानमा हुने अयोजकले जनाएको छ।